احلام المطرة..!

شعاعك .. رسم ضل الشواتي

وغربته ..

رتب مواعيد

إنسجام

وأدى الفصول

لون لهفته ..

ويا طالعه

من جواي 

مسكونه بالضوء

والغمام ..

والباقي من زاد الحريق ..

مرهون خزينه مع المطر

بابك ..

شراع ..

مفتوح على الوجع القعد

مشدوه .. سهر ..!!

***********

يا غنوه

من ضحك الجهال

وزغروده في قيف البحر ..

يا هل الملم من ضفايرك

ضوء للصباح واتبسمله ؟؟

ما الجاي منك

ومن شموسك

أدهش الطين والجروف

دندن معاك كل الشجر

أو في الخيال ..

برضو إحتمال

إنو الخريف جنبك

مطر ..

وإنو الدموع بعدك

رذاذ ..

منسوجه في عباية غنا

يا كم .. اغنيك واشتهيك

يا كم .. اناديك و اتزملك

يا كم .. بصافيك واتلمسك

يا كم .. أنا

بتنفسك

واعشق سماك

واتوسدك ..

حلم الغنا ..

ويا كم ....!!!!؟؟