يا ســــارياني..!

نص أول :ارهاصات بنهار دافيء 

يا سارياني

عليك لميني..!
افتش فيك
فرح الدنيا
عشان القاك
واتوه
وأرسم بالضحكه
خطوط
الغنيه
واونس خاطرك بالاحلام..!!
انا مجبود
لريح الشوق
الشاري
سهوله
وسارحفيك و فيني
اتمنيت اجدل
لضفايرك
كف الغيم 
المطره 
وشوقي يقيني  
وحس دعواتي..!
و يا صالباني
بطول السكه 
ومضاري حنيني 
الجوه محكر
فيك و فيني
ما تغبيني ولا تنسيني
 انا مجبود بي خيلي السارجه 
دروبه اليك 
نجيني ..
 ما بنجيني سواك 
يا نار الشوق السارح فيني 
تشويني وتجلي الفيني
 تلقيني غناك
نغم برجاك
صنوف الفرحه
عرس القاك 
ويا سارياني
عليك ضميني

نص ثان :عالية وبعيدة نافذة العاشقين 

(1)
يا سَاريني 
في سفر
العتمه
البلد الزحمه
السكه ضلام
جواها الخطوه
تفتش ديمه
لروح انسان
يهديها الوطن
الفيهو امان
اديني حنانك
وانساني عمر
برصيف أيامك
(2)
بكبر طفل الفرحه
البينا
يهدينا و
اعياد الوعد الجايه ..!
 يا جايباني عليك
الحاني
يا مطره بتغسل
غيم احزاني
يا نجمه بتهدي
احلامي الضاله
عنوان ايامي
بشويش نجيني
هدهد خوف الوجع الفيني
وكفكف دمعة طفل احساسي
ويا ساريني
بشويش ناجيني
يا ساريني..!!!


10.01.07