طايبني الصباح
وقعد على عتبة حنينك
جنبي
جنبي
وما نضم..!
دخناك سوا
غنيناك سوا
و ما قدرته احكيك
بكفيك.!؟
أنا مشتهيك..!
وزي تاني
بكفيك.!؟
أنا مشتهيك..!
وزي تاني
دندن فيني حسك
أجيك؟
ما قادر اجيك.!
أجيك؟
ما قادر اجيك.!
اتعبر حلق الصباح
اتنكش ضوء فرحتو
وقالدني بي ضمة صديق !
بجيك..!
نجيك؟
اتنكش ضوء فرحتو
وقالدني بي ضمة صديق !
بجيك..!
نجيك؟
فتحته كراسة حلمي بيك
وكتبته ليك .!
وكتبته ليك .!
" يا هل بنات كل الارض
بتشابهوا
القمرا
والنيل
والعشق..!!؟؟"
ما لفت انتباه حواس الدهشه فيني
سواك
ولا رقصت عيوني فرح بدونك
وصفقت..!
كل الكتبته من الشعر
ما كفى رسمك فيني واداك
علامات دهشتك
بكفيك!
اني درويش حضرتك
اني معلق بين جهاتك
بكفيك!
اني درويش حضرتك
اني معلق بين جهاتك
وقبلتك..
يا بت منو الرسمك
على كل خرايط سكتي
واداك مفاتيح الطريق ؟؟
اضيق.!
يخنق دخان الغربة
حيطان رئاي
واتنفسك ..!
بكفيك
اني مرهون لي طلعتك ؟
اجيك ..؟
يا بت منو الرسمك
على كل خرايط سكتي
واداك مفاتيح الطريق ؟؟
اضيق.!
يخنق دخان الغربة
حيطان رئاي
واتنفسك ..!
بكفيك
اني مرهون لي طلعتك ؟
اجيك ..؟
شتاء2007-اونتاريو
PICTURE:Blues Man by Justin Bua
ليست هناك تعليقات:
إرسال تعليق